• Басты
  • Қазақстанның әскери ұшқыштары әуеде жүздеген сағатын өткізеді

Қазақстанның әскери ұшқыштары әуеде жүздеген сағатын өткізеді

15 Маусым, 2015 20:41
2015 жылдың екінші жартыжылдығында Қазақстандық ӘӘК әскери ұшқыштары алуан түрлі 20 іс-шараға қатысатын болады, деп хабарлады ҚР Қорғаныс министрлігі.

Олардың ішінде Қазақстан Қарулы Күштерінің парашют спорты, авиацияның армиялық, майдандық және әскери-көліктік ұшу-тактикалық оқу-жаттығуы, сондай-ақ «Әскери достастық-2015», «Қаратау-2015» оқу-жаттығулары, Аэротұтқыр әскерлері мен Құрлық әскерлері  («Айбалта-2015») бөлімшелерінің бірлескен жаттығулары. Осы орайда авиаторлар жарты жыл ішінде әуеде жүздеген сағатты өткізіп, күрделі ауа-райы жағдайларында күндізгі және түнгі ұшуларды орындайды. Ұшқыштарымыздың айтуынша бүгінгі күні маңызды сайыстардың бірі «Авиадартс-2015» халықаралық жарысына қатысу болып табылады.

Мұнда олар алғаш рет Ресей, Беларусь және Қытай экипаждары ұшудан машықтанған дағдылары бойынша жарысатын болады.

Қазіргі кезде экипаждарды іріктеу жүргізіліп жатыр. Барлық үміткерлер алдағы байқауға қатысатындар ортасынан табылу үшін бар күш-жігерін салып бағуда. Оған біліктілік разряды 3-сыныптан кем емес және жасы 35-ке дейінгі экипаж командирінен буын (жасақ) командиріне дейінгі лауазымдардағы ұшқыштар қатыса алатындығы айтылған болатын.

Естеріңізге сала кетсек, ағымдағы жылдың 26 шілдесі мен 16 тамызы аралығында  Ресей Федерациясы Қорғаныс министрлігінің авиациябазасында «Авиадартс-2015» сайысы өтеді. ҚР Қарулы Күштерінің атынан байқауға МиГ-29 жойғыш, Су-25 шабуылдаушы және Ми-8МТ әскери-көліктік тік ұшақтары қатысады.
 

Барлық жаңалықтар