• Басты
  • Бас прокурор мен ЕҚЫҰ жоғары комиссары адам құқықтарын қорғау мәселесін талқылады
15 Маусым, 2015 18:17

Бас прокурор мен ЕҚЫҰ жоғары комиссары адам құқықтарын қорғау мәселесін талқылады

Бүгін Бас Прокурор Асхат Дауылбаев ЕҚЫҰ-ның Аз ұлттар істері жөніндегі жоғарғы комиссары Астрид Турс ханыммен кездесті.
Бас прокурор мен ЕҚЫҰ жоғары комиссары адам құқықтарын қорғау мәселесін талқылады

Бас Прокурор Жоғарғы комиссарды ұлтаралық келісімді қамтамасыз ету және аз ұлттардың құқықтарын бұзуға жол бермеу шаралары жөнінде хабардар етті.

Кездесу барысында адам құқықтарын сақтаудың өзекті мәселелері бойынша сындарлы сұхбат өрбіді. Тіл туралы заңның қолданылуы, сондай-ақ ұлттық және тілдік белгілер бойынша кемсітушілік мәселелері әңгіменің өзекті тақырыбына айналды.

А.Турс ханым кездесу аясындағы мазмұнды пікір алмасуға, сонымен қатар адам құқықтарын қорғау саласындағы қол жеткізілген ынтымақтастық пен өзара белсенді ықпалдастыққа ризашылығын білдірді.

Өз кезегінде А.Дауылбаев Қазақстанның Бас прокуратурасы осы бағыттағы диалогқа және бірлескен жұмыстарды жалғастыруға дайын екендігін мақұлдады.

А.Турс ханыммен болған бұл кездесу былтырғы жылдың маусым айында болып өткен жүздесудің жалғасы екендігін атап өткен жөн. 

 

Барлық жаңалықтар