Сенаторлар Үкімет пен Есеп комитетінің есебін тыңдады

Халық қалаулылары алдында қаржы министрі Бақыт Сұлтанов, Ұлттық банк төрағасы Қайрат Келімбетов, Есеп комитетінің төрағасы Қозы-Көрпеш Жаңбыршин баяндама жасады.

Отырыста аталып өткендей, жыл қорытындысы бойынша қаржылық есеп теңдестірілді, бюджетке түсім 5 989 млрд теңгені құрады немесе түзетілген жоспардың  99,4%-ы. Республикалық бюджеттің шығыны 2014 жылы 7 070 млрд теңгені  немесе жоспардың 99,4%-ын құрады. Тапшылық бекітілген деңгей аясында қалды және 1 081 млрд теңгені көрсетті.

Есеп комитетінің төрағасы 2014 жылға арналған ерспубликалық бюджеттің орындалуы туралы мәліметтерді ұсынып қана қоймай, бюджет қаржысының тиімділігі мен мақсатты жұмсалуына байланысты проблемаларды тілге тиек етті. Сонымен қатар, ол республикалық бюджте қаржысын  игеру және тиімділігін жетілдіру бойынша ұсыныстар берді.

Келелі кеңес аяқталған соң, салалық комитетке ағымдағы жылдың 17 маусымында өтетін қос палатаның біррікен отырысында қосымша баяндама жасау тапсырылды.