ТДҰА құны 2,9 млрд теңге болатын 7 еншілес кәсіпорнын саудаға шығарады

Оның сөзінше, бүгінгі таңда аталған заңды тұлғалардағы үлестерінің әділ бағасын айқындау мақсатындағы барлық ұйымдастыру жұмыстары атқарылды. Технологиялық даму жөніндегі ұлттық агентті жанынан құрылған комисияның отырысы өтті. Комиссия құрамына Ұлттық экономика, Инвестициялар және даму, «Бәйтерек» холдингі, «Жаңару» жемқорлықпен күрес жөніндегі жалпыхалықтық қозғалыс, Ұлттық кәсіпкерлер палатасының өкілдері кірді. Сауданы 7-шілде күні ұйымдастыру жоспарланып отыр.   

«Атап айтқанда, бұл Өскемен, Қарағанды, Орал, Алматы қалаларындағы технопарктер. Сонымен қатар, Үкіметтің қаулысымен бәсекелестік ортаға салалық конструкторлық бюроларды да беру керек»,-деді төрағаның орынбасары.   

Осылайша, саудаға аймақтық технопарктердің 5 үлесі мен 2 салалық конструкторлық бюро шығарылады. Олардың арасында Оралдағы «Алгоритм», Қарағандыдағы «Сарыарқа», Алматыдағы «Қ.И.Сәтпаев атындағы ҚазҰТУ», Шығыс Қазақстандағы «Алтай» технопарктері мен таулы мателургиялық  құрылғылар конструкторлық бюросы мен көлік машинақұрылысы бюролары да бар.     

Айта кететін мәселе, «Технологиялық даму жөніндегі ұлттық агенттігі» акционерлік қоғамының еншілес ұйымдарын саудаға салуда сатып алушылар үшін: қызмет түрін ауыстырмау, нысандардың бағыты мен жұмыс орындарын мамандандыру сияқты үш талап қойылады.     

Анар Тәңірқұлова