• Басты
  • ҚР Президенті: Назарбаев Университеті әлемдік деңгейдегі оқу орнына айналды

ҚР Президенті: Назарбаев Университеті әлемдік деңгейдегі оқу орнына айналды

15 Маусым, 2015 12:48
Назарбаев Университеті әлемдік деңгейдегі оқу орнына айналды, деді Елбасы Н.Назарбаев Назарбаев Университетінің алғашқы түлектеріне диплом беру рәсімінде.

«Мен сіздерді Назарбаев Университетінің тұңғыш түлектерінің бітіруімен құттықтаймын. Бұл біздің еліміздегі білім беру саласының ең жарқын күні. Біз университеттің алғашқы қырандарын ұшырғалы отырмыз. Біз бүгін 5 жыл бұрын қойылған мақсатқа жеттік. Біздің түлектердің білімі әлемдік деңгейге сай. Назарбаев Университеті әлемдік деңгейдегі оқу орнына айналды», - деді Елбасы.

 Елбасы білім беру ошағының түлектері болашақта Қазақстанды түбегейлі жаңартуға, мен айтқан «100 нақты қадамды» орындауға, елімізді ары қарай дамытуға атсалысатынына сенім білдірді. 

«Баршаңызды осынау тархии сәтпен және университеттің алғашқы мерейтойы – бес жылдығыменен шын жүректен құттықтаймын. Болашақта оқу орны сан мың түлекті түлетіп ұшырады. Себебі, Назарбаев Университеті «мәңгілік елдің» маңдай алды білім беру ошағы»,-деп атап өтті Н.Назарбаев.

Айта кетейік, Назарбаев Университетін биыл 446 стиуден тәмамдады. Салтанатты шараға студенттер, профессорлық-оқытушылық құрам, ірі ұлттық компания жетекшілері, ата-аналар қатысты.

Назарбаев Университеті 2010 жылы Елбасының бастамасымен ашылды. Университет ашылғаннан бері студенттер саны 2800-ге жетті. Жыл сайын 500 адам грант иегері болады.

Индира Кауметова

Барлық жаңалықтар