Соңғы екі жылда Қазақстан мен Қырғызстанның тауар айналымы 1 млрд доллардан асып жығылды
«Сауда-экономикалық ынтымақтастық аясында жағымсыз тенденцияларға қарамастан соңғы екі жылда екіжақты тауарайналымы 1 млрд доллардан асып жығылды. Еуразиялық экономикалық одаққа Қырғызстан енгеннен кейін бұл көрсеткіштер өседі деген үміттемін. Қырғызстанның ЕАЭО-ға ену туралы құжаттар мемлекет ішілік процедуралардан өтуде, әлі Мәжіліске ратификациялау үшін түспеді», - деді Қ.Жақыпов.
ҚР Парламенті Мәжілісінің төрағасы атап өткендей, Парламентаралық кеңес екі елдің экономикалық байланысын одан ары нығайтуға атсалысатын болады.
«Парламентаралық кеңес қызметінің бағыттарының бірі екі елдің ұлттық заңнамаларын жақындастыру мен үйлестіру үшін ұсыныстар жасақтау болып табылады. Оның үстіне, Кеңес салалық комитеттермен, парламенттік фракциялар мен саяси топтар арасында жұмыс байланыстарының қалыптасуына септігін тигізуде», - деп сендірді Қ.Жақыпов.
Ботагөз Айтжанова
