МАГАТЭ-нің төмен байытылған уран банкі Өскеменде орналасады

«МАГАТЭ Банкте сақталған уранның иесі болады, соған қарай материалдар да МАГАТЭ-нің заңдық бақылауында болады. Банк Өскемендегі «Үлбі» металургиялық зауытында орналасқан. Атомның орналасатын жерін Атом энергиясы жөніндегі халықаралық агенттік таңдады және аталмыш ұйым өкілдерінің айтуынша, «Үлбі» зауытында тиісті инфрақұрылым мен қажетті технологиялар, ядролық материалдарды пайдалану жағынан тәжірибесі бай біліктілігі жоғары мамандар бар»,-деді Б.Садықов.

Оның сөзінше, құны 150 миллион доллар болатын жоба ерікті салымдар арқылы қаржыландырылатын болады.  

«Бірқатар мемлекеттер мен үкіметтік емес ұйымдар МАГАТЭ-нің бұл жобасына осы уақытта қаржы салып та үлгерді. Мысалы АҚШ үкіметі 49,5 миллион доллар бөлсе, Еуропалық Одақ 25 миллион еуро, Кувейт пен БАӘ 10 миллион доллардан бөлді. Сондай-ақ Норвегия 5 миллион, Ядролық қауіпті қысқарту халықаралық қоры 50 миллион доллар берді»,-деді елші.   

Айта кететін мәселе, Қазақстан тек материалдарды сақтау бойынша ғана шығындарды өз мойнына алады. Бұдан бөлек шығындар жоқ.  

Анар Тәңірқұлова