«Жас ұлан» түлектері Ресей, Беларусь, Украина, Түркия мен Германия елдерінің әскери оқу орындарында білім алуда
С.Нұрмағамбетов атындағы «Жас ұлан» республикалық мектебі Қазақстан Республикасы Үкіметінің 1999 жылдың наурызындағы сәйкесінше қаулысымен құрылды.
Тәуелсіз Қазақстанның Қарулы Күштері үшін болашақ әскери бастықтарды мектеп қабырғасынан дайындайтын арнайы оқу орнын құру идеясы еліміздің Президенті Нұрсұлтан Әбішұлы Назарбаевтың пікірі. 1999 жылы 4 қарашада Ел Президенті Қазақстан Республикасы Қарулы Күштерінің Жоғарғы Бас қолбасшысы Нұрсұлтан Әбішұлы Назарбаевтың қатысуымен армия генералы С.Қ.Нұрмағамбетов атындағы «Жас ұлан» республикалық мектебінің ашылу рәсімі болды. Мектептің презентациясы кезінде елбасы Нұрсұлтан Әбішұлы Назарбаев Құрметті келушілер кітабында жазба қалдырды.
Ол ұландарға Тәуелсіз Қазақстанның адал қорғаушылары, еліміздің лайықты азаматтары болуға тілек білдірді. «Жас ұлан» республикалық мектебінің тәрбиеленушілерін Ұлы Отан соғысындағы аталарымыздың көрсеткен ерлігін қайталауға шақырды.
«Жас ұлан» республикалық мектебі еліміз бойынша жалғыз әскери мектеп, онда 7-ші мен 11 сынып аралығындағы оқушылар білім алады.
Мектеп орташа білім беру нысаны, онда мемлекеттік және шет тілдер, әскери пәндер оқытылады және күшейтілген физикалық дайындық жүргізіледі.
Бүгінгі таңда Республикалық мектептің түлектері Қазақстан Республикасының, Ресей Федерациясының, Беларусь Республикасы, Украина, Түрік Републикасы мен Германиядағы әскери оқу орындарында білімін жетілдіруде.
Мектептің маңызды міндеттерінің бірі оқушылардың Отаны Қазақстан Республикасына деген махабатын жандандыру, азаматтық, патриоттық пен интернационализмге тәрбиелеу. «Жас ұлан» мектебі кез-келген ұлттың дәстүріне құрметпен қарайды, себебі мұнда 12 ұлт өкілдері білім алуда.
2011 жылдың 8 желтоқсанында ел Президенті Қазақстан Республикасы Қарулы Күштерінің Жоғарғы Бас қолбасшысы Нұрсұлтан Әбішұлы Назарбаевтың қатысуымен «Жас ұлан» республикалық мектебінің жаңа ғимаратын салтанатты ашылу рәсімі өтті.
Ал, Астанада ағымдағы жылы С.Қ.Нұрмағамбетов атындағы «Жас ұлан» республикалық мектебі 14-ші бітірушілерді жіберді. Оқу орнының қабырғасынан 75 түлек түлеп ұшты. Бұл түлектер санының мектептің жұмыс істеген жылдары ішіндегі ең көбі.
Анар Тәңірқұлова
