Ә.Сәрінжіпов Назарбаев Университетінің алғашқы түлектерін құттықтады

15 Маусым, 2015 10:39

Назарбаев Университеті түлектеріне диплом тапсыру рәсімінде ҚР Білім және ғылым министрі Аслан Сәрінжіпов түлектерді құттықтады.

«Бүгін сендер Назарбаев Университетінен аттап басып, үлкен өмірге жол алдыңдар. Сондықтан бұл үшін ол мереке, маңызды шара. Сендердің алдарыңда үлкен жауапкершілік тұр. Мен барлық түлектерді шын жүректен құттықтаймын. Бүгін тамаша күн», - деді министр.

А. Сәрінжіпов университеттің профессорлық-оқытушылық құрамына алғыс айтты.

«Біздің студенттер мен Қазақстан атынан профессорлық-оқытушылық құрамға алғысымды білдіремін. Олар осында келіп, бізге сеніп жұмыс істеді. Осы университетті құруға ынта салып, септігін тигізді», - деді ҚР БҒМ басшысы.

Министр сондай-ақ, Назарбаев университеті дипломының маңыздылығын атап өтті.

«Бүгін университеттегі соңғы күндерің болғанымен, жарқын болашаққа бастар алғашқы күндерің. Болашақтарың дәл осы жерден бүгін басталады. Бірің ғалым боларсыңдар, бірің мемлекеттік басқаруға барарсыңдар, бірің кәсіпкер боларсыңдар. Бірақ сендерді біріктіретін ортақ дүние бар - барлықтарың Қазақстан Республикасының Президенті Нұрсұлтан Назарбаевтың атындағы Университеттен диплом алып отырсыңдар»,-деген А.Сәрінжіпов түлектерге ақ жол тіледі.

Айта кетейік, Назарбаев Университеті Елбасының бастамасымен 2010 жылы ашылды. биыл 446 студент диплом алады

Индира Кауметова