Атырау облысында 2013 жылы ТКШ жаңғырту бағдарламасы бойынша 46 көппәтерлі тұрғын үйді жөндеу жоспарлануда
17 Қазан, 2013 15:04
Атырау облысында «2011-2020 жылдарға арналаған тұрғын үй коммуналдық шаруашылық қызметін жаңғырту» бағдарламасы бойынша 2013 жылы 46 көппәтерлі тұрғын үйге жөндеу жұмыстарын жүргізу жоспарланып, деп облыс әкімдігінің баспасөз қызметі хабарлады.
«2013 жылы 46 көппәтерлі үйді жөндеуден өткізу жоспарланып отыр, оған 625 млн теңге бөлінді. Республикалық бюджеттен қаржы бөлінбегендіктен жұмыс тоқтап тұр», - деп хабарламада нақтыланған.
«2011-2020 жылдарға арналаған тұрғын үй коммуналдық шаруашылық қызметін жаңғырту» бағдарламасы бойынша 2011-2012 жылдар аралығында 45 үйге жөндеу жұмысы жүргізілді. Ал өзге үйлерге толық кешенді жөндеу жұмысы жүргізілді. Оған қоса, 29 үйде жалпыпәтерлік жылу қондырғылары орнатылды.
2014 жылы 1 млрд теңгеге 36 үйді қайта жаңғырту жүргізу жоспарланып отыр.
