Қазақстанда жекешелендіру аясында 174 нысан сатылды – Қаржы министрлігі

Аталып өткендей, сатылымнан түскен қаражат келесі түрде таратылды: республикалық бюджетке 860 млн. теңге, облыстық бюджеттерге 810 млн. теңгеден астам, Холдингтер 50 778 млн теңге, ӘКК 2 917 млн. теңге.

Сонымен, республикалық меншік бойынша барлығы 2014-2015 жылдарға арналған сату Кестесіне сәйкес 34 объекті жекешелендіруге жатады. 2014 жылдың маусым – 2015 жылдың маусымдағы кезеңінде іс жүзінде сатуға 19 объекті жоспарланған. Ағымдағы жылдың 12 маусымдағы жағдайы бойынша сауда-саттыққа 19 объекті шығарылды, оның ішінде 8 объекті сатылды.

Ал, коммуналдық меншік бойынша барлығы 2014-2015 жылдарға арналған сату Кестесіне сәйкес 245 объектінің сатылуы белгіленді. 2014 жылдың маусым – 2015 жылдың маусымдағы кезеңінде 159 объекті жекешелендіруге жатады. Іс жүзінде 1 маусымдағы жағдайы бойынша 151 объекті шығарылды, соның ішінде 75 объекті сатылды.

Әлеуметтік-кәсіпкерлік корпарациялар бойынша 2014-2015 жылдарда сату Кестесіне сәйкес сатуға 110 объекті белгіленді. 2014 жылдың маусым – 2015 жылдың маусымдағы кезеңінде 83 объекті жекешелендіруге жатады. Іс жүзінде 71 объекті сатуға қойылды, 52 объекті сатылды.

Бұдан басқа, ұлттық компаниялар мен холдингтер бойынша 2014 – 2015 жж. арналған сату Кестесіне сәйкес 107 объекті жекешелендіруге жатады, 12 маусымдағы жағдайы бойынша жоспарланған 78 объектінің 75 объектісі сауда-саттыққа шығарылды, оның ішінде 39 объекті сатылды. 

Естеріңізге сала кетейік, 2014-2015 жылдарға арналған сату кестесіне сәйкес сатуға 496 объекті жоспарланған. 2014 жылдың маусым – 2015 жылдың маусымдағы кезеңінде 339 объекті жекешелендіруге жатады.