ҚР-ның негізгі капиталына инвестиция көлемі 3,9%-ға артты - ҰЭМ
13 Маусым, 2015 12:36
2015 жылғы қаңтар-мамырда негізгі капиталға салынған инвестициялар көлемі 1993,2 млрд. теңгені құрады, бұл 2014 жылғы қаңтар-мамырға қарағанда 3,9% артық, деп хабарлады ҚР Ұлттық экономика министрлігінің статистика комитеті.
Аталып өткендей, қысқа мерзімді экономикалық индикатор 2015 жылғы қаңтар-мамырда 2014 жылғы қаңтар-мамырға қарағанда 102% құрды.
Ал, 2015 жылғы қаңтар-мамырда өнеркәсіп өндірісінің көлемі қолданыстағы бағаларда 5678,8 млрд. теңгені көрсетті, бұл 2014 жылғы қаңтар-мамырға қарағанда 0,5% артық.
«Кен өндіру өнеркәсібінде және каръерлерді қазуда өндіріс көлемі 1%, өңдеу өнеркәсібінде 0,2% артты. Электрмен жабдықтау, газ, бу беру және ауа баптауда 1,7%, сумен жабдықтауда, кәріз жүйесі, қалдықтарды жинау және бөлуді бақылауда 9,6% төмендеді», - делінген хабарламада.
Сонымен қатар, 2015 жылғы қаңтар-мамырда ауыл шаруашылығы жалпы өнімінің көлемі 457,1 млрд. теңгені құрап, 2014 жылғы қаңтар-мамырға қарағанда 2,7% артты.
