ҚР Премьер-Министрінің арнайы уәкілі Джибути компанияларын ЭКСПО-2017 көрмесіне шақырды
13 Маусым, 2015 12:03
ҚР Премьер-Министрінің арнайы уәкілі Бағдат Әміреев Джибути Республикасына іс-сапармен барып, президент Исмаил Омар Гүллехпен кездесу өткізді.
ҚР СІМ хабарлағандай, Б.Әміреев Елбасының жолдауын Джибути президентіне тапсырып, Қазақстанның басымдылық берілген қызметтері жайлы хабардар етті.
Бұдан басқа, Б. Әміреев Джибути президентіне 2017 жылы Астанада «ЭКСПО-2017» арнайы мамандандырылған көрме өтетінін жеткізіп, Джибути басшылығы мен компанияларын аталмыш көрмеге белсенді атсалысуға шақырды.
Б. Әміреев пен Джибути президенті И.О. Гуллехтің кездесуіне аталмыш елдің сыртқы істер министрі М. Юсеф және Қазақстанның Эфиопия Федеративті Демократиялық Республикасындағы елшісі Ерлік Әли қатысты.
