Қызылорда облысындағы темір-бетон зауыты жылына 10 мың текше метр өнім дайындайды
12 Маусым, 2015 20:07
Материалдық базасын жаңартқан кәсіпорында екі жаңа цех пен компрессорлық станция іске қосылды. Батыс Еуропа - Батыс Қытай халықаралық дәлізі еліміз үшін ерекше маңызы бар жол. Бұл жолды салуға сондықтан да тек сапалы материалдар пайдаланылуда, деп хабарлады облыс әкімдігі.
Қазалы темір-бетон зауытында дайындалған өнімдер осы талап үдесінен шығады. 18, 21, 24 метрлік темір ұстындар көпір құрылысына қолданылып жатыр.
«Көпір құрылысының негізгі бөлігі - темір арқалықтарға өзге елдерден де сұраныс түсіп жатыр. Сондықтан да жұмысшылар үлкен жауапкершілікпен тапсырысқа сай өнім шығаруға тырысады. Жылына 10 мың текше метр өнім дайындайды», - делінген хабарламада.
