ҰБТ: 2015 жылы келіп түскен шағымдардың 38% қанағаттандырылды

«2015 жылы ҰБТ тапсыру барысында оқушылардан 347 шағым келіп түсті, оның 131 немесе 38% қанағаттандырылды. Бұл ҰБТ-ға арыз емес, тек оқушылардың күмәнданып отырған сұрақтары бойынша шағымдары. Жалпы, 289 сұрақ бойынша шағым келіп түсті», - деді С. Нүсіпов.

Оның айтуынша, шағымдар 289 сұраққа келіп түскен, бұл барлық сұрақтардың 0,2%.

«Мәліметтер базасында 45 мың шамасында сұрақтар болды, ал шағым 0,2% бойынша келіп түсті. Олар көбіне математика, тарих, ағылшын пәндерінен. Бұл жыл өткен сайын қайталанады және жетілдіріледі. Яғни, жыл өткен сайын тест сапасы артып келе жатыр деген сөз», - деп атап өтті ол.

Айта кетерлік жайт, 12 жыл ішінде мәліметтер базасында 200 мың шамасында сұрақтар жасақталды. Ағымдағы жылы БҒМ жаңа тенденцияларға байланысты логикалық және функционалды сауаттылық бойынша сұрақтар санын арттырды. Барлығы 45 мың сұрақ іріктелініп алынды.

Анар Тәңірқұлова