ҚХА-ның 20 жылдығына орай ұйымдастырылған «Менің елім» автомотошеруіне қатысушылар Астанаға келді (ФОТО)

Осыған дейін, яғни биылғы жылдың 29- мамырында қозғалыстың белсенділері «Wheels Brothers MC» мотоклубымен бірлесіп, Атырауда автомотошеруді бастаған болатын. Жоба көпұлтты еліміздің өкілдерін кездесулер мен пікір алмасу, түрлі облыстардың дін өкілдері мен конфессия өкілдерінің және жастарының арасында достық қарым-қатынасты дамыту арқылы елді біріктіру болатын.  

«Осыдан бірнеше жыл брын ойға келген достарымызбен Атыраудан Алматыға дейін барып қайту жөніндегі бастама автомотошеруге ұласты. Біз достарымызбен тіз қатар жайғасып, Қазақстан қалаларын аралауға кірісіп, жол бойы көрген-білгендерімен, алған әсерлерімен бөлісіп отырдық. Екі жылдан соң еліміздің жастарын біріктіріп, оларға еліміздің көрікті жерлерін көрсетуді мақсат еткен республикалық акция ретінде ұйымдастырдық»,-деді «Wheels Brothers MC» мотоклубының президенті Олег Шмаль.

Бұл ретте ол шараға қатысушылардың жастарының мөлшері 19-дан 42-ге дейін екендігін, ал өздерінің келесі баратын қалалары Қостанай болатындығын жеткізді.  

«Одан әрі біз Қостанай, Орал, Атырау және Ақтау қалаларына жол тартамыз. Автомотошерудің далпы уақыт мерзімі 20 күнді құрайды, ұзақтығы 8 мың 500 километр»,-деді О.Шмаль.

Айта кететін мәселе, өзінің ерекшелігінің арқасында бұл жобаға еліміздің жастарының ең белсенді бөлігін тартып, оларға Елбасының Қазақстан халқы Ассамблеясының аясында алдыға қойған міндеттерін айқын, қолжетімді жағдайда түсіндіруге мүмкіндік береді. Шеру Атыраудан басталып, еліміздің 20 қаласы мен елді мекендерінен өтеді.  

Индира Кауметова

Фото Азамат Алиев