ҰБТ-ның орташа балы 2,6 сатыға көтерілді - БҒМ

«ҰБТ-ның орташа балы 2015 жылы  2,6 пунктіге көтеріліп, 79,5 балды құрады. Өткен жылы ол 76,9 балл болатын. Осылайша біз  мектеп оқушыларының білім деңгейі артуда деп айта аламыз», - деді С.Нүсіпов.

Оның айтуынша, қазақ мектептері түлектерінің ҰБТ нәтижесі орыс  мектептері түлектерінің нәтижесімен теңесті деуге болады.

«Алғаш рет біз ҰБТ өткізгелі орыс тіліндегі баллдар (80,3)  қазақ тіліндегі баллдармен (79,2) теңесті деп айта аламыз. Яғни қазақ тілді мектептерде дайындық сапасы артуда. 2014 жылы балл арасындағы айырмашылық 7 балл болса, ағымдағы жылы 1 балдан сәл ғана асты. Бұл жақсы көрсеткіш», - деді ол.

Айта кетерлік жайт, 2015 жылы мектепті 124 346 адам тәмәмдады, оның 84 248  қазақ тілінде, 40 098  орыс тілінде білім алды.  124 346 адамның ішінен ҰБТ тапсыруға 87 783 түлек немесе 94,4%-ы өтініш берді.

Анар Тәңірқұлова