ҰБТ: Қазақстанда «Алтын белгіге» ие болған түлектер саны 10 пайызға өсті

12 Маусым, 2015 15:21

Қазақстанда «Алтын белгіге» ие болған мектеп түлектерінің саны 10 пайызға көбейді, деді Білім және ғылым министрлігінің Білім беру мен ғылым саласын бақылау комитетінің төрағасы Саят Нүсіпов Орталық коммуникациялар қызметінде өткен баспасөз-мәслихатында.

«Алты белгіге» лайықты екендігін дәлелдегендер саны 10 пайызға артты. Биылғы жылы аталмыш белгіге лайықтылығын 2 мың 205 адам растады. Бұл осы белгіге үміткерлердің 52 пайызы. 2014 жылы олардың саны 1 мың 824, яғни 42 пайыз болатын»-деді С.Нүсіпов.

Комитет төрағасының сөзінше, ең жоғарғы 125 балды 5 адам алған, өткен жылы олардың саны 4 болды.

«Олар: Тараз қаласындағы №45 қазақ классика гимназиясының оқушысы Ердосова Гүлнәз Жандосқызы, Астанадағы №59 мектеп-лицейінің түлегі Мұстафина Риана Еркінқызы, БҚО Теректі ауданындағы «Үміт» лингвистикалық гимназиясының оқушысы Самат Сымбат Қуанышқызы, Оңтүстік Қазақстан облысының Түлкібас ауданының үштілде оқытатын ерекше дарынды балаларға арналған мектеп-интернатының оқушысы Абдазимова Лаура және Алматы қаласындағы №90 лицей түлегі Яковлева Анастасия»,-деп қосты комитет төрағасы.

Анар Тәңірқұлова

Барлық жаңалықтар