ШҚО тұрғындарына Қазақстанның жемқорлыққа қарсы стратегиясының мақсаты мен міндеті түсіндірілді
13 Маусым, 2015 10:03
Өскеменде Стрелка шағын ауданының тұрғындарына «№3 жергілікті басқару комитеті» Қазақстанның жемқорлыққа қарсы стратегиясының мақсаты мен міндеті түсіндірді, деп хабарлады ШҚО ақпараттық орталығы.
Кездесу барысында мемлекеттік қызмет агенттігі департаментінің қызметкерлері мен жемқорлыққа қарсы күрес департаменті ШҚО тұрғындарына арнап жемқорлықтың деңгейлері бойынша сауалнама жұмыстарын жүргізді.
«Біздің басты мақсат – жемқорлыққа қарсы стратегияны түсіндіру.Біз шенеуніктерге тұрғындар ақша ұсынуын тоқтатпағанша жемқорлықты жоя алмаймыз. Кез келген оқиғада департаментке хабарласыңыздар, біз шара қолданамыз», - деді жемқорлыққа қарсы ақпараттандыру және қоғаммен байланыс департаментінің консультанты Гүлнұр Бекбаева.
Оның айтуынша, осы сынды шаралар облыстың барлық ауданында өткізіледі.
