Е. Ыдырысов: Қазақстан Шығыс пен Батыстың жақындасуына көмектесуге әзір

12 Маусым, 2015 15:37

Ағымдағы жылдың 11 маусымында ҚР сыртқы істер министрі Ерлан Ыдырысов Астанаға арнайы Әлемдік және дәстүрлі діндер көшбасшыларының V сезіне қатысуға келген Ислам мазхабтарын жақындастырудың дүниежүзілік ассамблеясының Бас хатшысы Аятолла Мохсен Аракимен кездесті, деп хабарлады ҚР СІМ.

Тараптар екі жақты ынтымақтастықтың бүгінгі жағдайымен және оны одар ары кеңейту мәселесін талқылады.

Сыртқы саясат ведомствосының басшысы бас хатшы Аятоллаға 2011 жылы Қазақстанға Ислас Ынтымақтастығы Ұйымына төрағалық етуіне қолдау көрсеткені үшін алғыс білдірді. «Қазақстан Шығыс пен Батыстың жақындасуына көмектесуге әзір», - деді министр.

Өз кезегінде Аятолла М. Араки Қазақстанның аймақта бейбітшілік пен тұрақтылықты сақтап қалу бойныша бағытын жоғары бағалады.

Дәл осы күн Е. Ыдырысов Съезд жұмысына атсалысқан Стратегиялық және халықаралық зерттеу орталығының (CSIS) Ресей және Еуразия елдері бойынша директоры Эндрю Качинс және АҚШ-тың діни қайраткерлерімен кездесті.

Тараптар өзара ынтымақтастық мәселелерін талқылады. Сонымен қатар, Қазақстанның жаһандық дінаралық диалогқа қосқан үлесіне жоғары баға берілді.