ҚР Қарулы Күштерінде ТМД елдерінің І-әскери-спорттық ойындарына арналған үздік әскери қызметшілерді іріктеуде (Фото)

12 Маусым, 2015 20:21

Әскер тектерінің, өңірлік қолбасшылықтар мен Қазақстанның әскери оқу орындарының шамамен 100 әскери қызметшісі спорттың алты түрі бойынша үздік атақ үшін сайысқа түсуде, деп хабарлады Қорғаныс министрлігі.

Оның қорытындысы бойынша әскерилендірілген көпсайыста, офицерлік үшсайыста, табельдік қарудан атуда, армиялық қоян-қолтық ұрыста және командирлер жарысы мен гір екісайысында ең мықты армиялық спортшылар анықталатын болады.

Сайыс Алматыда Құрлық әскерлері Әскери институтының базасында өтіп жатыр. Қатысушылар барынша тырысып бағуда, себебі, жеңімпаздарды ерекше мәртебе, яғни Қазақстан Қарулы Күштерін ТМД қатысушы мемлекеттер достастық армиясының алғашқы әскери-спорттық ойындарында таныту мүмкіндігі беріледі.

Халықаралық жарыс ағымдағы жылғы шілденің 24-і мен тамыздың 5-і аралығында Мәскеуде өтеді. Бұдан бұрын 70-ші Бас ассамблея және Кувейттегі армиялық спорттың бүкіләлемдік кеңесі конгресінде ресей тарапымен келіссөздер жүргізу барысында ҚР ҚМ АОСК өкілдері біздің 70 армиялық спортшының жарысқа қатысатыны туралы ниет білдірді.

Барлық жаңалықтар