• Басты
  • Жаңалықтар
  • Г.Әбдіқалықова: Қазақ хандығының қалыптасуына әйелдердің қосқан үлесін зерттеу тарихты жан-жақты ашуға мүмкіндік береді

Г.Әбдіқалықова: Қазақ хандығының қалыптасуына әйелдердің қосқан үлесін зерттеу тарихты жан-жақты ашуға мүмкіндік береді

12 Маусым, 2015 12:19
Л.Н.Гумилев атындағы Еуразия Ұлттық университетінде «Қазақ хандығының әйгілі әйелдері» атты ғылыми-тәжірибелік конференция өтті. ҚР Мемлекеттік хатшысы Г.Әбдіқалықова қатысқан шара Қазақ хандығының 550 жылдығына арналды.

Шара Қазақ хандығының 550 жылдығына орай ұйымдастырылып отыр. Оған Парламент депутаттары, мемлекеттік орган қызметкерлері, Қазақстандағы БҰҰДБ, ғалымдар мен сарапшылар, ЖОО өкілдері, магистранттар мен студенттер қатысты.

Конференцияға қатысушылар алдында сөйлеген сөзінде Г.Әбдіқалықова Қазақ хандығы Орталық Азиядағы тұңғыш ұлттық мемлекет болғанын айтып өтті. Ал, Қазақ хандығының тарихын зерттеу «Мәңгілік ел» жалпыхалықтық идеясын дамытудағы маңызы зор, сондай-ақ, Ұлт жоспары-100 нақты қадамында алатын орны ерекше.

«Тарихта қазақ әйелдері жігерлікпен, табандылықпен ерекшеленді. Осы орайда олардың Қазақ хандығының қалыптасуына қосқан үлесін зерттеу өте орынды, бұл іс қазақ тарихын жан-жақты ашуға мүмкіндік береді», - деді Мемлекеттік хатшы.

Сондай-ақ, конференцияға қатысушылар ғылыми зерттеулерді өткізудің маңызын атап өтті. Тарих беттерінен жоғалып кеткен әйгілі әйелдердің есімін қайта жаңғырту керек. Осы орайда Қарашаш және Айғаным, Бопай ханым мен Бай Ана, Тойқара ханым сынды қазақ ұлтының азаматшалары аталды.

Айта кетерлігі, конференция қорытындысы бойынша резолюция қабылданады.

Индира Кауметова

Барлық жаңалықтар