Ақтөбе облысында темір жол билеттері «Қазпошта» арқылы сатылуда
13 Маусым, 2015 10:34
«Жолаушылар тасымалы» АҚ және «Қазпошта» АҚ Ақтөбе қаласы мен Ақтөбе облысы барлық аудандарындағы пошта бөлімшелерінде темір жол билеттерін сату жөніндегі бірлескен алғашқы жобаны қолға алды.
«Енді ауыл тұрғындары қаладағы темір жол вокзалдары кассаларына барып жатпай-ақ жақын маңдағы пошта бөлімшесінен пойызға билет сатып алу мүмкіндігіне ие болды», - делінген хабарламада.
Жыл аяғына дейін мұндай жаңа темір жол билеттерін сату қызметі «Қазпоштаның» Қазақстан Республикасындағы барлық бөлімшелерінде енгізілмекші, деп хабарлайды «Жолаушылар тасымалы» АҚ баспасөз қызметі.
