• Басты
  • Мектеп оқушылары мен әскери кафедраның студенттері нағыз кедергі жолақтарынан өтті (Фото)
12 Маусым, 2015 10:57

Мектеп оқушылары мен әскери кафедраның студенттері нағыз кедергі жолақтарынан өтті (Фото)

Қарағанды облысына қарасты «Спасск» оқу-жаттығу орталығының полигонында «Айбын» әскери-патриоттық жастар жиынына қатысушылар әскерилендірілген эстафета өткізді, деп хабарлады Қорғаныс министрлігі.
Мектеп оқушылары мен әскери кафедраның студенттері нағыз кедергі жолақтарынан өтті (Фото)

Автоматты бөлшектеу және құрастыру, газтұмылдырық пен жалпы әскери қорғаныс жиынтығын кию, кедергі жолақтарынан өту, жаралыны алып өту, радио байланысты пайдалану – жасөспірімдер осынау даярлықтан әскери қызметшіден еш қалыспай өтті.

Жүктелген міндетті сапалы орындап, жақсы нәтижелер көсетті. Олар қысқа мерзім ішінде барлық сынақтардан өтуі тиіс болатын. Әр оқушы тек бір аумақтан өтіп, эстафетаны аяқтаушы жаралыны құтқарғаны туралы баяндауы тиіс болды. «Әр топтан 8 адам қатысады, бұл жерде біздің топ газтұмылдырық пен желет және касканы киді.

Маған тапсырған сынақтан мүдірместен өтіп, топты жерге қаратқан жоқпын. Жалпы эстафета топтың рухын көтереді, ұжымды бірге топтасуға септігін тигізеді. Өз командаң үшін барыңды салуға ұмтыласың», - деді Ақтаудың Ш.Есенов атындағы КТИУ әскери кафедрасының студенті Аслан Арыстанов.

Естеріңізге сала кетсек, бүгін «Айбын» І республикалық әскери-патриоттық жастар жиынының екінші күні аяқталуда. Ертең 800-ден аса қатысушы әскери-далалық тактикалық ойындар бойынша сайысқа түседі. Үздік топ анықталып, жарыстың шешуші кезеңдері өз мәресіне жетеді.

 

Барлық жаңалықтар