ҚР жемқорлықтың алдын алу мақсатында мемлекеттік қызметтерді электронды форматқа көшіруде

11 Маусым, 2015 18:24

Жемқорлық әрекеттерінің орын алуына себепші болатын әрекеттердің алдан алу үшін Павлодар облыстық «Нұр Отан» партиясының өкілдері «Электронды үкімет» пен «электронды әкімдік» жобаларын жүзеге асыру аясында әлеуметтік маңызы бар қызметтерді электронды форматқа аударуға рұқсат беру шараларына мониторинг жүргізуде, деді Мәжіліс депутаты Жанат Жарасов Астанада өткен Жемқорлыққа қарсы тұру жөніндегі республикалық қоғамдық кеңестің мәжілісінде.

«Жемқорлық әрекеттерінің орын алуына себепші болатын әрекеттердің алдан алу үшін әлеуметтік маңызы бар қызметтерді электронды форматқа аударуға рұқсат беру шараларына мониторинг жүргізілуде. Қазіргі таңда жергілікті атқарушы органдар тарапынан 129 мемлекеттік қызметтер жүзеге асырылуда, олардың 120-ы облыс әкімдігі тарапынан бекітілген»,-деді Ж.Жарасов.

Депутаттың сөзінше, облыстың партиялық құрылымының басты бағыты мемлекеттік органдар мен қоғамдық ұйымдардың жемқорлыққа қарсы тұру күштерін біріктіру болып табылады.

«Полицияның жолдағы шолғыншылар қызметімен бірге рейд шаралары мен «Жолдағы қабылдау» акциясы ұйымдастырылуда, жемқорлыққа қарсы үгіт-насхиат материалдары таратылуда. Жемқорлыққа қарсы қызметтегі басты рөл консультативті-кеңесші органдарға беріледі.

Айта кетейік, Павлодар облысында партия филиалдарында жемқорлықпен күреске бағытталған 14 қоғамдық кеңес бар және олар биылғы жыл бойына 56 мәжіліс өткізді. Мәжілістер барысында білім беру, орман шаруашылығы, қоршаған ортаны қорғау салаалрындағы жемқорлыққа қарсы тұру әрекеттері сөз болып, құрылыс пен тұрғын-үй коммуналдық шаруашылық саласындағы жемқорлықпен күрес жұмыстарына талдау жүргізілді.

Анар Тәңірқұлова

Барлық жаңалықтар