• Басты
  • ҚР ҚК офицерлер құрамы жас лейтенанттармен толықтырылды
11 Маусым, 2015 20:43

ҚР ҚК офицерлер құрамы жас лейтенанттармен толықтырылды

Қазақстан Республикасы Қарулы Күштерінің офицерлер құрамы жас лейтенанттармен толықтырылды, деп хабарлады Қорғаныс министрлігі.
ҚР ҚК офицерлер құрамы жас лейтенанттармен толықтырылды

Төрт қазақстандық курсант Бауыржан Бақытжанұлы, Самат Дербісәлиев, Ернат Рысболат, Әрсен Жақсыбаев Ярослав әуе шабуылына қарсы қорғаныс жоғары зениттік-зымырандық училищесінде білім алып, қазіргі таңда біздің армия қатарын толықтыру үшін Қазақстанға оралды.

 «Біз барлығымыз офицерлік иықбелгіні алып, Қазақстанның Қарулы Күштерінде қызмет жасауға кірісуді және қазақстандық армияның офицерлерімен бір қатарға тұруды тағатсыздана күттік. Мен алған білімімді қолдана отырып, біздің армияда абыроймен қызмет атқарамын, туған-туысқандарым мен болашақ командирлер артып отырған үмітті ақтауға тырысамын», - деді Бауыржан Бақытжанұлы. Қазір жас лейтенанттар қатынас қағаздарын алып жатыр және ҚР ҚК ӘҚК Әуе шабуылына қарсы қорғаныс бөлімдеріне қызметке таратылатын болады.

Осы сәттен бастап олар ҚР Қарулы Күштерінде әскери қызмет өткеруге ресми түрде кіріседі. Үш қазақстандық әскери жоғары оқу орны: Құрлық әскерлерінің Әскери институты, Кеңес Одағының екі мәрте батыры Талғат Бигелдинов атындағы Әуе қорғанысы күштерінің Әскери институты мен Радиоэлектроника және байланыс әскери институты қазіргі уақытта елдің әскери кадрларын толықтыратын курсанттарды түлетіп шығаруға дайындалып жатқанын айта кетейік. 

 

Барлық жаңалықтар