Еліміздің индустриалды саясаты түлектерді жұмыспен қамтуға қауқарлы – сарапшы

11 Маусым, 2015 12:56

Экономикалық жағынан дамыған мемлекеттер индустриалды саясатты түлектерді мамандандырылған жұмыспен қамтамасыз ету мақсатынды ұлттық деңгейде пайдаланады, деді Бат қаласының (Ұлыбритания) Экономика және білім беру саясаты университетінің профессоры Хью Лаудер Астанада өтіп жатқан Еуразиялық білім беру көшбасшыларының IV форумында.

«Ұлыбританияда жүздеген жоғары оқу орындары бар, алайда мемлекет өнеркәсіп салаларының ешқайсысы бойынша алдыңғы қатарда емес. Сол себепті барлығы әрбір жоғары оқу орны мен өндіріс арасындағы жекелеген жұмысқа байланысты. Егер Оңтүстік Корея, Сингапур, Қытай, Германия, Бразилия сияқты экономикасы сәтті дамыған елдерге қарайтын болсаңыз, олардың ұлттық деңгейдегі индустриалды саясаты бар. Онда ешқандай көшірме жоқ, яғни барлық мәселені өзіңе қарай ыңғайлау керек, жергілікті жағдайлар мен жергілікті басымдықтарды назарға алу керек»,-деді профессор.

Оның сөзінше, бір мемлекеттің жұмыс жоспарын тікелей екінші мемлекетке аудара салуға болмайды.

«Бұл принцип ешқашан да нәтижесін бермейді. Индустриалды саясатсыз білікті жұмыс күшіне деген сұранысты қалыптастыру мүмкін емес. Бізде білікті жастар өте көп, бірақ олар өздерінің мамандықтары бойынша жұмыс таба алмай отыр. Олар біліктілігі төмен жұмыстармен айналысуда, сол себепті әлеуметтік өсімге деген сенімдерін жоғалтады. Жоғары оқу орнын бітірген жастардың 80 пайызы дипломды қажет етпейтін салаларда жұмыс істеуде»,-деді Х.Лаудер.

Ботагөз Айтжанова

Барлық жаңалықтар