• Басты
  • ҚР БҒМ мемлекеттік грантпен білім алған түлектерді қайта сынау жүйесін енгізбекші

ҚР БҒМ мемлекеттік грантпен білім алған түлектерді қайта сынау жүйесін енгізбекші

11 Маусым, 2015 11:47
Мемлекет соңғы жылдары мемлекеттік гранттар арқылы педагогикалық және медициналық мамандықтар бойынша білім алған жастарды қайта сынау жөнінде тиісті нормалар енгізді. Енді осындай талаптарды өзге де мамандықтар бойынша енгізу мәселесі қаралуда, деді Білім және ғылым министрі Аслан Сәрінжіпов Астанада өтіп жатқан Еуразиялық білім беру көшбасшыларының IV форумында.

«Өндірісті білікті мамандармен қамтамасыз ету және тиімді қаржы салу ұзақмерзімге бағытталған кадрларға деген сапалы болжамдарға байланысты. Алайда, нақты болжамдардың өзі еңбек нарығының сұраныстарының қанағаттандырылғандығына кепіл бола алмайды. Мемлекет соңғы жылдары мемлекеттік гранттар арқылы педагогикалық және медициналық мамандықтар бойынша білім алған жастарды қайта сынау жөнінде тиісті нормалар енгізді. Енді осындай талаптарды өзге де мамандықтар бойынша енгізу мәселесі қаралуда. Бұл шара өз кезегінде жас мамандардың жергілікті жерлерде қалып қоюына белгілі бір деңгейде ықпал етуі мүмкін»,-деді министр.

Сонымен қатар ол, заманауй технологиялардың жедел дамып келе жатқандығын, ал кейбір аймақтарда оның өте жылдам дамып отырғандығын атап өтті.      

«Білім жүйесі үшін бірінші кезектегі қажетті дүние – біліктілігін қалыптастыру қажеттілігі мен өз еркімен жетіліп даму және кәсіби деңгейде даму»,-деді А.Сәрінжіпов.  

Ботагөз Айтжанова

Барлық жаңалықтар