А.Сәрінжіпов: Жұмыс берушілер ЖОО-лармен тығыз байланыста болуы тиіс

11 Маусым, 2015 10:59

Бүгінде оқу орындары мен өндірістің өзара қарым-қатынасы екі жақ күтіп отырған деңгейге әлі жеткен жоқ, жұмыс берушілер ЖОО-лармен тығыз байланыста болуы тиіс, деп мәлімдеді ҚР білім және ғылым министрі Аслан Сәрінжіпов Астанадағы IV Еуразиялық жоғарғы білім басшыларының форумында.

«Жұмыс берушілер мен оқу орындары үмітінің ақталмағаны жаһандық мәселе болып табылады. Бұл тек бізге ғана тән дүние емес, көптеген елдерде мұндай жағдайлар кездесуде. Мысалы, 2013 жылы Жұмысқа орналастыру бойныша британдық комиссия 100 мың жұмыс берушіден олардың қызметкер іздестіруде бетпе-бет келетін проблемалары туралы сауалнама жүргізді. Нәтижесінде білікті мамандар тапшы екені анықталды. Жалпы алғанда барлық вакансиялардың 22% шамасында осындай проблемалар», - деді А.Сәрінжіпов.

Министрдің айтуынша, өткен жылы қазақстандық жұмыс берушілерден университет түлектерінен нені күтетінін анықтау мақсатында сауалнама жүргізілді.

«Жұмыс берушілер жоғарғы оқу орны студентінің білім сапасына алаңдайтынын жеткізген. Жасыратыны жоқ, компания өзіне жұмысшы ретінде кәсіби дайындығы төмен кешегі түлекті алудан қашып құтыла алмайды. Бүгінде оқу орындары мен өндірістің өзара қарым-қатынасы екі жақ күтіп отырған дейгейге әлі жеткен жоқ, жұмыс берушілер ЖОО-лармен тығыз байланыста болуы тиіс», - деп түйді ведомство басшысы.

Ботагөз Айтжанова

Барлық жаңалықтар