Атыраудағы жәрмеңкеде жоғары оқу орындарының түлектері үшін 28 компания 100 бос жұмыс орнын ұсынды

Жәрмеңкеде 28 компания 100-ден астам бос жұмыс орындарын ұсынды, жұмыс орындарының басым бөлігі мұнай-газ саласынан. Жұмыс берушілердің арасында осы аймақтағы «АНПЗ» ЖШС,  «Теңізшевройл», «Жігермұнайсервис», Schlumberger, «Fircroft», «Halliburton», Ерсай Каспиан сияқты өзге де ірі компаниялар бар.

Кәсіби білікті мамандарды дайындау ісіне үлес қосып, олардың одан әрі жұмыспен қамтуға ықпал ету Атырау облысы Кәсіпкерлік палатасы қызметінің басым бағыттарының бірі болып табылады. Сол себепті бүгінгідей акцияларға біз белсенді атсалысамыз. Осылайша, біз білікті кадрлар дайындау ісіне үлес қосып қана қоймай, кәсіпорындар мен ұйымдарды қажетті мамандармен қамтамасыз етеміз»,-деді Атырау облыстық кәсіпкерлер палатасы директоры орынбасарының міндетін атқарушы Қуанғали Қожантаев.  

Ұйымдастырушылардың мәлімдеулерінше,  «Atyrau Job Fair» жәрмеңкесі жұмыс іздеушілер үшін босы жұмыс орындары туралы толыққанды ақпарат алатын және жұмыс берушілермен тікелей жүздесуге мүмкіндік беретін алаң болып отыр.

Айта кететін мәселе – жәрмеңке аясында «Түйіндемені дайындау», «Кеңесуден қалай сәтті өтуге болады» деген тақырыптар бойынша тринингтер жүргізіліп, оны қажетті деп санайтын азаматтардың барлығы да осы шараға қатысты.