Н. Назарбаевтың саясаты діни жауапкершіліктің шынайы үлгісі - Р. Гайнутдин

10 Маусым, 2015 16:54

Н.Ә.Назарбаевтың саясаты діни жауапкершіліктің шынайы үлгісі, деп мәлімдеді Ресей Федерациясы Мұсылмандар рухани басқармасының төрағасы бас муфтий Равиль Гайнутдин Астанадағы Әлемдік және дәстүрлі діндер көшбасшыларының V съезіндегі секциялық отырыста.

«ҚР Президенті - Н.Ә.Назарбаевтың саясаты діни жауапкершіліктің шынайы үлгісі. Назарбаев саясаткерлер мен руханият үшін нағыз үлгі, ол өзінің саясатын халқы мен мелекетін сүйе тұра, адамзат алдындағы жауапкершілігін түсіне тұра үйлестіре алды», - деді ол.

Р. Гайнутдиннің айтуынша, Н. Назарбаев Астананы түрлі мәселелерді талқылайтын замануи платформа ретінде жасақтады – бұл оның көрегендігінің арқасы. «Назарбаевтың данышпандығы қарсылас қос тараптың ортақ шешім табуына мүмкіндік береді», - деп толықтырды ол.

Естеріңізге сала кетейік, Астанада Әлемдік және дәстүрлі діндер көшбасшыларының V съезі өз жұмысын бастады. Екі күнге жалғасатын келелі кеңес «Діни көшбасшылар мен саяси қайраткерлердің бейбітшілік және даму жолындағы диалогы» деген тақырыппен өтуде. Съезге әлемнің 42 мемлекетінен келген 80 делегация қатысуда.

Индира Кауметова

Барлық жаңалықтар