ҚР-да алғаш рет коммерцияландыруға арналған алаң табылды – «Ғылыми портал»

Аталған порталдың өзгелерден ерекшелігі оны ғылыми ұжымдарды өндіріспен ұштастыру үшін қажетті қосымша қызметтермен қамтамасыз етуге дайын мамандар мен сарапшылар бақылап отырады, деп хабарлайды Технологияларды коммерцияландыру орталығының Бас директоры Дамир Егізбаев.   

«Портал оны дайындаған адам мен кәсіпкер бір-бірін таба алатын виртуалды алаң. Порталды дайындаушы өзінің технологияларын ұсынады, ал өнім өндіруші қажет болатын болса оны тауып алады. Бұған қоса порталда Технологияларды коммерцияландыру орталығының менеджерлері мен сарапшыларға арналған арнайы бөлім бар. Бизнесмен өзі көрген технологияның жақсы жұмыс істейтіндігіне сенімді болмауы мүмкін. Сол себепті ол портал арқылы қосымша сараптама сұрай алады. Ал жобаны дайындаушы алаңға өзінің жобасын шығара отырып, оның назардан тыс қалмайтынына сенімді болады. Оған біздің технологияларды коммерцияландыру жөніндегі менеджер бекітіледі, ол инвесторларды белсенді тартатын болады»,-деді Д.Егізбаев.   

Бас директордың хабарлауынша, порталда осы кезде 200 инновациялық жоба ұсынылған.  

«Қазіргі таңда 200-ден астам жоба ұсынылды. Аталған жобалар технологияларды комерцияландыру кеңселері, ғылыми ұйымдар мен Қазақстанның жоғары оқу орындарының өкілдері тарапынан болашағы зор, ең өзекті деген материалдарды таңдап алды. Осы жерде іс жүзінде ең үздік деген қазақстандық жобалары жинақталды»,-деді ол.

Бас директордың сөзінше, «Ғылыми порталдың» мықты айналамын қамтамасыз ету үшін жыл бойына еліміздің аймақтарына шыға отырып, түсіндіру семинарларын өткізу жоспарланған. Сондай-ақ порталды насихаттау мақсатында еліміздің жетекші компанияларында да болу жоспарда бар.

Анар Тәңірқұлова