• Басты
  • Астанада ХІ Дельфийлік ойындар басталды

Астанада ХІ Дельфийлік ойындар басталды

10 Маусым, 2015 18:24
Астанада 10-12 маусым аралығында «Елдік-бірлікте!» ұранмен Дельфийлік ойындар өтеді, деп хабарлады қала әкімдігінің ресми сайты.

Дельфийлік ойындар дарынды шығармашыл жастарды анықтауға және оларға қолдау көрсетуге бағытталған. Өнердің жоғары форумы ретінде бұл ойындар идеясы еліміздің мәдени мұрасын көбейтіп, сақтай отырып, жастарды толеранттылық пен ұлтаралық мәдениетке деген қызығушылығын арттыруға тәрбиелеу болып табылады.

Биыл өнер додасы фортепиано, скрипка, ұлттық аспаптар: домбра, қыл-қобыз, прима-қобыз, халық биі, заманауи би, эстрадалық ән салу, академиялық ән салу, дәстүрлі ән салу, қысқаметражды фильм және бейнеролик, фотосурет, бейнелеу өнері, театр және киім дизайны секілді 15 номинация бойынша өтеді.

Дельфийлік ойындардың жабылу салтанаты 12 маусымда сағат 17.00 Қазақ ұлттық өнер университетінде Жамбыл Жабаев атындағы концерт залында ұйымдастырылады. 

 

 

Барлық жаңалықтар