Н. Назарбаев: Адамзаттың 60%-дан астамы өздерін діндар адамдар ретінде есептейді

«Үміт пен үмітсіздіктың жаһандық барометрінің соңғы есебінде адамзаттың 60%-дан астамы өздерін діндар адамдар ретінде есептейді  деп көрсетілген. Әр бесінші адам өзінің діндарлығын атап өткен», -деді ҚР Президенті.

Елбасы атап өткендей, баршамызды адамдарға, халыққа, Жаратушы жаратқан планетадағы бейбітшілік пен тыныштыққа деген жауапкершілік сезімі байланыстырады.

Сонымен қатар, Н.Назарбаевтың айтуынша, Қазақстан ширек ғасырдай егемендік жылдары рухани қайта жаңару дәуірін бастан өткерді. «Кеңес заманында Қазақсанда атеизм бекітілген болатын. Алайда біздің халқымыз Құдайға деген сенімін жоғалтқан жоқ», - деп атап өтті Ұлт көшбасшысы.

Елбасы баса айтқандай, біз 21 ғасырдың ортасында әлемнің дамыған 30 елінің қатарына енетін өркендеген мемлекетті құру баршаға ортақ мақсатымен бірігіп отырмыз. «Біздің халқымыз осы мақсатта жұмыс істеп жатыр», - деді Мемлекет басшысы.

Индира Кауметова