Әлемдегі бүгінгідей тұрақсыздықта дін өкілдері шешуші рөл атқарады –БҰҰ Бас хатшысы

«Мен Нұрсұлтан Назарбаевтың көшбасшылық қасиеттерін, бүгінгі Әлемдік және дәстүрлі діндер көшбасшыларының съезін өткізіп жатқандығын жоғары бағалаймын. Мен сізге өзара түсіністікті тереңдету мен мәдени ынтымақтастық пен өзара сыйластықты қалыптастыру үшін бүкіл әлемнің саяси және діни көшбасшыларының конгресін ұйымдастырғаныңыз үшін алғысымды білдіремін Президент мырза. Әлемнің осы бөлігінде адамдардың басын қосу, бұл тек зор адамгершілік әрекет қана емес, сіздердің тарихтарыңыздың бір бөлігі»,-деді Пан Ги Мун.

БҰҰ Бас хатшысы әлемнің өтпелі кезеңде тұрғандығына байланысты Астанадағы съездің өте қажетті шара екендігін атап өтті.

«Урбанизация мен көші-қон жалғасуда. Біз бүгінгіден де тұрақты және бірдей дамуға ұмтылудамыз. Жаһандық қауіпсіздік ортасы жиі өзгеруде және барған сайын жағымсыз сипат алып барады, біз болсақ көптеген мүмкіндіктермен бетпе-бет келіп отырмыз. Біздің қоғам жаһандық кейдейшілікті тоқтататын бірінші буын және біз жаһандық жылыну мәселесін оны кешіктіріп алғанға дейін шеше алатын соңғы буынбыз. Бүгінгі таңда біз ұйымдасқан қылмыс, азаматтық қатынастардың шиеленісі, терроризм, есірткі трафигі сияқты жаһандық тәуекелдермен кездесіп отырмыз. Бұл қауіптер көптеген елдерде шекарадан шекараға көшіп жүр»,-деп қосты Пан Ги Мун.

Оның сөзінше, дәстүрлі және дәстүрлі емес діндердің көшбасшылары осындай тұрақсыз кезеңда шешуші рөл атқарады.  

Ботагөз Айтжанова