Астанада инвесторларға 50 ғылыми қазақстандық жұмыс таныстырылды

10 Маусым, 2015 11:41

Астанада инвесторларға коммерциялық әлеуеті бар 50 ғылыми қазақстандық жұмыс таныстырылды. Осы 50 жұмыстың 18 өздерінің инновациялық өнімдерін сатуда, деп мәлімдеді Технологияны коммерцияландыру орталығының бас директоры Дамир Егізбаев Астанада инвесторларға қазақстандақ инновациялық технологияларды таныстыру барысында.

«Қазақстанда мұндай ауқымды шара алғаш рет өткізілуде. Аталмыш шарада біз коммерциялық әлеуеті бар 50 ғылыми қазақстандық жұмыстарды ұсындық. Бүгінде осы 50 жұмыстың 18 өздерінің инновациялық өнімдерін сатуда. Олар қызықты, болашағы зор, коммерцияға бейімделген ғылыми жобалар. Бұл шараға өндірістік кәсіпорындардың инвесторлары шақырылды», деді Д. Егізбаев.

Қазақстанда ҚР БҒМ жанындағы «Технологияны коммерцияландыру» жобасы 2008 жылдан бастап Дүниежүзілік банктен қарыз алу туралы келісім аясында жүзеге асырылып келеді. Отандық ғылыми жобаларға зерттеудің басынан бастап нарыққа шығарылғанға дейін қолдау көрсетіледі. Коммерцияландырудың бұл процессі Қазақстандағы сапалы технологиялардың дамытуда жүйелі және кешенді әдіс қолдануға мүмкіндік береді.

2011 жылдан бастап жалпы сомасы 5,9 млрд теңге болатын 65 жобаға қолдау көрсетілді.

Анар Тәңірқұлова