Павлодар облысының әкімі мен Француз елшісі екі елдің кәсіпорындары арасында серіктестікті дамыту мәселесін талқылады

10 Маусым, 2015 15:37

Павлодар облысының әкімі Қанат Бозымбаев еліміздегі Француз Республикасының Төтенше және Өкілетті елшісі Франсис Этьенмен кездесті, деп хабарлады облыс әкімдігі.

Кездесуде тараптар француздық және павлодарлық кәсіпорындар, оқу орындары арасындағы өзара тиімді әріптестікті дамыту перспективаларын талқылады. Сонымен қатар Франция елімен тұрақты достық байланысты орнықтыру мәселесі де қаралды.

Бүгінгі таңда Павлодар облысы мен Франция арасындағы сауда-экономикалық қарым-қатынастар негізінен құрал-жабдықтар мен түрлі техникалық бөлшектер импортына тиесілі.

Өңіріміздегі Қазақстан электролиз зауыты, ГРЭС-1 мен қайта өңдеу кәсіпорындары француз әріптестерімен сауда қарым-қатынасын орнатқан.

Облыс аумағында «CIM» француздық компаниясы мен қазақстандық «Format Mach Company» ЖШС құрылтайшысы болып табылатын бірлескен «CIM-FORMAT» ЖШС кәсіпорны жұмыс істейді.

Екі тараптың да білім беру саласында ынтымақтастық әлеуетінің болашағы зор. Облыстың 5 жалпы орта білім беру мектебінде француз тілі оқытылады. Француз тілі мұғалімдерінің жоғары категориясы, үлкен еңбек өтілі бар, сондай-ақ олар Францияда оқу тағылымдамадан өткен.

Ғылыми бағыттағы ынтымақтастық С. Торайғыров атындағы ПМУ-де тиісті деңгейге қойылған. Университет магистранттары Франция жоо-ларында оқу тағылымдамасынан өтеді.

Француз елшісінің өңірге ресми сапары аясында Франсис Этьен мырза облыстық мәслихаттың хатшысы В. Берковскиймен, «Нұр Отан» партиясы ПОФ төрағасының бірінші орынбасары А. Құрмановамен, облыстық мәслихат депутатарымен және С.Торайғыров атындағы ПМУ ректоры А. Өрсариевпен кездесті. «Stiks» мектебінде де болды.

Бұдан басқа, «Format Mach Company» ЖШС-те, «Lactalis» компаниясында болу және Павлодар облысы кәсіпкерлерімен кездесу жоспарланған.