Алматы облысының ХҚКО-ларында 35 жаңа қызмет іске қосылды

Атап айтқанда, енді халыққа қызмет көрсету орталықтарына салық есептілігін қабылдауға, кері қайтаруға, дара кәсіпкерлерге патент беруге, қорғаншыларға немесе қамқоршыларға жетім балаларды және ата-анасының қамқорлығынсыз қалған балаларды асырап-бағуға жәрдемақы тағайындауға, Қазақстан Республикасына жеке істер бойынша кіруге шақыруларды ресімдеуге және т.б. қызметтер үшін жүгінуге болады.

«ХҚКО» РМК бас директоры Әсемгүл Балташеваның айтуынша қазіргі уақытта 9 мемлекеттік органның 35 қызметі берілді. «Әзірше осы қызметтердің стандарттары қаралып жатқанда, олар ХҚКО-тарда пилоттық режимде ұсынылатын болады. Оларды бекіткен соң, пилоттық жоба аяқталады және қызметтер ХҚКО-тарда жалпы негізде көрсетілетін болады», - деп атап өтті.

Балташева сонымен бірге ҚР ХҚКО-тарына жаңа қызметтерді ендіру бойынша жұмыс жалғасатынын хабарлады. Жыл аяғына дейін ХҚКО-тарға тағы да 20-дан астам жаңа қызметтер, олардың ішінде инвестициялар және даму, ауыл шаруашылық, әділет, қаржы және қорғаныс министрліктерінің қызметтерін ендіру жоспарлануда екендігін айта кетелік.

Осылайша, ХҚКО-ларда көрсетілетін қызметтер саны 212-ге жетеді. 2011 жылы Халыққа қызмет көрсету орталықтары барлығы 59 қызмет көрсетсе, 2012 жылы - 113, 2014 жылы олардың саны 171-ге жетті.

Еліміз бойынша ХҚКО-да ағымдағы жылғы 4 ай ішінде көрсетілген қызметтер саны 13 711 696 құрайды, оның 10 миллионнан астамы - электрондық қызмет көрсетулер.