«Батыр арулар» байқауының жеңімпаздары сынақты жалғастыруда (Фото)

10 Маусым, 2015 20:43

Танкі астында тапжылмай жату, кедергілер жолағын еңсеру, жауынгерлік қарудан оқ ату – мұның барлығы «Батыр арулар» байқауы жеңімпаздарының жауынгерлік даярлығын тексерудің тағы бір кезеңі, деп хабарлады Қорғаныс министрлігі.

Бұл жолы полигонға қатысушы қатардағы жауынгер Лунара Баймұхаметова, аға лейтенант Әлия Хайруллина, кіші сержант Салтанат Ғабдоллашева, сержант Баян Жапарова, кіші сержант Ботагөз Мұсаева мен Мәдина Аманжолова, ефрейтор Әсем Сехимбаева және аға лейтенант Бота Қорабаева аттанды.

«Жауынгерлік сынақтар асуынан өткеннен кейін олар Қазақстан Қарулы Күштері әскери қызметшілерінің жауынгерлік әзірлік деңгейіне сәйкес келуін растауы тиіс. Байқауға қатысушыларға атыс қаруы үлгілерінің инженерлік білуін және оқ ату дағдысын, жауынгерлік жарақты асынып кедергілер жолағын еңсеру кезіндегі төзімділікті, «Кобра» броньды машинасын басқару шеберлігін көрсету қажет болды», - делінген хабарламада.

Қыздар үшін ең күрделі сынақ ол танкі астында тапжымай жату болды. Бұл жаттығу әскери қызметшілердің психологиялық дайындығын тексереді. Алайда, «Батыр арулар» жеңімпаздары қобалжуға қарамастан, ҚР ҚК нағыз әскери қызметшілері ретінде бұл сынақтан да мүдірмей өтті.

Естеріңізге салайық, ҚР Қорғаныс министрлігі қыз-келіншек әскери қызметшілер арасында «Батыр арулар» байқауын ұйымдастырды. Сайыстың жоспары бойынша он екі қыз-келіншектің әрқайсысы 2016 жылға арналған арнайы күнтізбенің белгілі бір айының парақтарын көркейте түспек. Барлық жеңімпаздар жауынгерлік даярлықты өткеннен кейін, оларды кәсіби стилистердің бет-әлпетті әрлеуі және фотосессия күтіп тұр.

Барлық жаңалықтар