ҚР ҚК әскери қызметшілері Арменияда өтетін халықаралық оқу-жаттығуларға қатысуды жоспарлауда

10 Маусым, 2015 18:42

Қазақстан Республикасы Қарулы Күштері әскери қызметшілерінің делегациясы Арменияда өтетін «Мызғымас бауырластық – 2015» ҰҚШҰ елдері бітімгершілік күштерінің халықаралық оқу-жаттығуын дайындау және өткізу мәселелері жөніндегі келіссөздердің екінші раундына қатысады.

Қорғаныс минисртлігі хабарлағандай, екі күндік келіссөздер шеңберінде Қазақстан, Қырғызстан, Тәжікстан, Ресей, Беларусь және Армения қорғаныс ведомстваларының өкілдері, хатшылығы мен Ұжымдық қауіпсіздік туралы шарт ұйымының біріккен штабы түбегейлі сценарийді, практикалық бөлім мен ұйымдастыру сәттерін келісті, алдағы ауқымды оқу-жаттығуға қатысушылардың санын нақтылады.

«Мызғымас бауырластық – 2015» халықаралық оқу-жаттығуы қыркүйектің 30-ы мен қазанның 4-і аралығында Армения Республикасының аумағында өтетінін айта кеткен жөн. Оның басты мақсаты бірлескен дайындық және ҰҚШҰ елдері әскери қызметшілерінің тәжірибе алмасуы болып табылады.

Оқу-жаттығу жыл сайын Ұжымдық қауіпсіздік туралы шарт ұйымының құрамына кіретін мемлекеттердің бірінің аумағында өткізіледі. Былтырғы жылы «Мызғымас бауырластықты» өткізу орны қырғызстандық «Ала-Тоо» полигоны болды. Мұнда Қазақстан Қарулы Күштерінің әскери бөлімшелері саны жағынан көп болды және жоғары жауынгерлік даярлықты көрсетті.

Барлық жаңалықтар