• Басты
  • Ә. Жақсыбеков жастарды «Жасыл ел» аясында ЭКСПО-2017 көрмесіне қатысуға шақырды (Фото)
10 Маусым, 2015 09:48

Ә. Жақсыбеков жастарды «Жасыл ел» аясында ЭКСПО-2017 көрмесіне қатысуға шақырды (Фото)

Елорда әкімі Әділбек Жақсыбеков Астана қаласының жастар мәслихатының өкілдерімен кездесті, деп хабарлады қала әкімдігі.
Ә. Жақсыбеков жастарды «Жасыл ел» аясында ЭКСПО-2017 көрмесіне қатысуға шақырды (Фото)

«Жастар мәслихаты елорда жастарының қоғамдағы бастамалары мен мүдделерін жақтайтын қоғамдық институтқа айналуы қажет деп санаймын. Сіздер өз мақсаттары үшін күресе алатын, өздерінің соңынан адамдарды ерте алатын жастарсыздар. Сіздердің Мемлекет басшысының идеяларын насихаттап, тұрақтылыққа шақыратындарыңыз біз үшін өте маңызды», - деді әкім.

Ә. Жақсыбеков Елбасының бес институционалдық реформаны жүзеге асыруға байланысты ұсынған 100 нақты қадамын жүзеге асыру аясында Астананы Еуразияның іскерлік, мәдени және ғылыми орталығына айналдыру үшін сапалы білім беру, жастар арасында ғылыми және шығармашылық әл-ауқатты анықтауға барлық жағдай жасалуы керектігін де ескертті.

Әкім «ЭКСПО-2017» халықаралық көрмесіне жастарды волонтерлар ретінде тарту мәселесін де баса айтты. Биылдан бастап «Жасыл ел» бағдарламасы аясында ЭКСПО-қалашықтың құрылысына жастарды тарту жұмыстары қолға алынды.

«Сіздер өз тараптарыңыздан жастарды тарту мақсатында бұл жобаны насихаттауға үлес қосуларыңыз қажет», - деді Әділбек Жақсыбеков.

Әкім, сондай-ақ, қалада салауатты өмір салтын қалыптастыру мен спорт мәселесіне де тоқталды. Ол жастарды ірі спорттық шараларды ұйымдастыру мен өткізу жұмыстарына белсенді қатысуға шақырды.

«Астана бұқаралық спорт қаласына айналуы керек. Қазіргі кезде қалада спорттық, қоғамдық шараларды өткізудің ауқымды жоспары әзірленіп жатыр және жастар бұл жұмысқа белсене араласуы қажет. Бастамашыл жастар тарапынан елорданы одан әрі дамыту бойынша жаңа ұсыныстарды күтеміз», - деп қорытты әкім.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды