Астанада Әлемдік және дәстүрлі діндер көшбасшыларының V съезі өтеді

10 Маусым, 2015 08:39

Астанада 10-11 маусым аралығында Әлемдік және дәстүрлі діндер көшбасшыларының V съезі ашылады. Екі күнге жалғасатын келелі кеңес «Діни көшбасшылар мен саяси қайраткерлердің бейбітшілік және даму жолындағы диалогы» деген тақырыппен өтеді.

V Съезд аясында екі пленарлық және төрт секциялық отырыс өтеді. Алқалы жиында ұлтаралық және конфессияаралық татулық пен келісімді қамтамасыз ету тетіктерін талқылау жоспарланып отыр.Сондай-ақ ағымдағы әлемдік жағдайларды есепке ала отырып, діни және саяси көшбасшылардың ынтымақтастығын күшейту, халықаралық деңгейдегі дағдарыс жағдайларын талқылау мен еңсеру мәселесі де жан-жақты қарастырылады.

Съезге ҚР Президенті Нұрсұлтан Назарбаев, БҰҰ Бас хатшысы Пан Ги Мун, сондай-ақ ЕҚЫҰ, ЮНЕСКО басшылары және өзге де түрлі дін өкілдері мен беделді халықаралық ұйымдардың жетекшілері қатысады.

Айта кетейік, кеше әлемдік және дәстүрлі дін көшбасшылары съезі хатшылығының 14-ші отырысы өтті. Күн тәртібінде дін көшбасшылары кеңесінің құрамын өзгерту, дін көшбасшылары 2-ші отырысының күн тәртібі 5-ші съездің күн тәртібі, әлемдік және дәстүрлі дін көшбасшылары съезіне қатысушылардың тұжырымдама жобалары талқыланады. Сондай-ақ, көшбасшылар съезі хатшылығының 15 отырысын өткізу уақыты сынды мәселелері мен 6-шы әлемдік және дәстүрлі дін лидерлері съезін өткізудің уақытын тағайындау мәселелері талқыланады.

Барлық жаңалықтар