ШҚО-да мемлекеттік қызметті автоматтандырылған жүйеге көшіру жоспарлануда

10 Маусым, 2015 09:13

Биылғы жылдың алғашқы бес айы бойынша Шығыс Қазақстан облысында 2037 мемлекеттік қызметке үміткер тестілуден өтіп, оның 716-ы оң нәтиже көрсеткен. Бұл туралы ШҚО Ақпараттық орталығында хабарлады.

Департамент басшысының айтуынша, биылғы жылы ақылы курстарға ниет білдірушілердің саны біршама көбейген. Өңірлік орталықта жыл басынан бері 501 адам оқытылса, 183 адам қайта даярлаудан өтіп, 318 мемлекеттік қызметкер біліктілігін арттырған.

Бұдан бөлек, мемлекеттік қызмет істері және сыбайлас жемқорлыққа қарсы іс-қимыл агенттігінің ШҚО бойынша департаменті және «Нұр Отан» партиясының ШҚОФ-ы Абай ауданы және Курчатов қаласы арасында аталмыш аймақтарды жемқорлықтан ада аймақ болып жариялау жөнінде меморандумға қол қойылып, облыстағы 6 басқармамен бірлескен жобаларды жүзеге асыру бойынша серіктестік орнаған.

Мемлекеттік органдарға 26 тексеріс жүргізу барысында 41 заң бұзушылық тіркеліп, 10 мемлекеттік қызметкер жауапқа тартылған.

«Ең алдымен сыбайлас жемқорлыққа қатысты жағдайларды алдын-алу жұмыстарына баса маңыз беріп келеміз. Осы саладағы 20 жылдық тәжірибеме сүйене келе айтар болсам, қоғамның жемқорлық деген кеселін жалғыз жемқорлыққа қарсы Департамент жеңеді деген түсініктен арылуымыз керек. Жұмыла көтерген жүк жеңіл. Бұл жұмысқа ел болып ат салысуымыз керек, – дейді Ғ.Досанов.

Барлық жаңалықтар