• Басты
  • «Internship Bolashak» жобасының аясында 100-ге жуық түлектер ақылы тәжірибеден өтеді

«Internship Bolashak» жобасының аясында 100-ге жуық түлектер ақылы тәжірибеден өтеді

9 Маусым, 2015 17:28
«Болашақ» қауымдастығы «Internship Bolashak» жобасын іске қосты. Оның аясында 100 жас маман еліміздің ірі компанияларында ақы төленетін тәжірибеден өте алады, деп хабарлады «Болашақ» қауымдастығы Кеңесінің төрағасы Қуандық Бишімбаев Орталық коммуникациялар қызметінде.

«Біздің қауымдастығымыздың үшжылдық стратегиясының басым бөлігі жұмыспен қамтуға бағытталған. Жақында ған біз үлкен форум өткізіп, оның аясында 14 меморандумға қол қойдық. Бүгінде біздің жеке кәсіпкерлермен қол қойған меморандумдарымыздың негізінде «Болашақ» бағдарламасы түлектерінің тәжірибе алу шаралары жүзеге асырылуда",-деді Қ.Бишімбаев.    

Қауымдастық Кеңесі төрағасының сөзінше, Қазақстандағы BI-Group, Raimbek Group, Жинақбанк сияқты ірі компаниялар жас мамандардың ақылы тәжірибеден өтулері үшін 100 орын берді.  

«Қазір ақылы бзнес-тәжірибе алу үшін байқау өткізілуде. Біз нақты сектордан осындау қолдау таптық. Біз қауымдастық ретінде ынтымақтастықты ұсынғанда, оларға «Болашақ» түлектерін өз жұмыстарына тарту қызықты бола түсті. Бұл компаниялардың топ-менджменттерінде «Болашақ» түлектері көп»,-деді ол.     

Анар Тәңірқұлова 

Барлық жаңалықтар