Қ.Бишімбаев: ҚР-да 2015 жылдың күзінде алғашқы бизнес-кейстер жинағы жарыққа шығады

«Сарапшылық қызметпен байланысты бөлек бағыт бар. Елбасы айтып жүрген жалпыға ортақ еңбек қоғамы бірінші кезекте зияткерлік және адам капиталына негізделуі тиіс. Біз Қауымдастық ретінде жаңа идеяны ұсынып отырмыз және оны жаз айларында жүзеге асырмақшымыз. Біз Қазақстанда ағымдағы жылдың күзінде 1-ші бизнес-кейстер жинағын жарыққа шығарғымыз келеді», - деді Қ.Бишімбаев.

Оның айтуынша, бизнес  кейсте танымдық материалдар болады, олар банк ісі, макроэкономикалық саясат, тәуекелдерді басқару, персоналды басқару, топтық қызмет сынды бағыттар бойынша болмақ. 

«Бизнес-кейстер жинағы қазақ, орыс және ағылшын тіліндерінде жарық көреді. Оған отандық бизнес-тәжірибесіндегі шынайы бизнес кейстер кіреді. Көптеген жылдар бойы ауымды шаралар жүзеге асырылды, елімізде тәжірибелі сарапшылар бар және олардың тәжірибесі жастарға керек», - деп толықтырды ол. 

Анар Тәңірқұлова