Ақмола облысында күй орындаушыларының байқауы өтті

9 Маусым, 2015 20:07

Ерейментау ауданында күй орындаушыларының облыстық байқауы өтті, өнер бәсекесі композитор Жақсылық Мұқановтың 70 жылдығына арналды, деп хабарлады Ақмола облыстық ішкі саясат басқармасына қарасты «Ақмола Медиа Орталығы».

Күй орындаушыларының облыстық байқауы алғаш рет ұйымдастырылып отыр, ұйымдастырушылар оны енді дәстүрлі түрде өткізбекші. Байқауға барлығы 37 адам қатысты.

Айта кетейік, байқауды ұйымдастырудағы мақсат – жастардың қазақ халқының рухани мұраларына деген қызығушылығын арттырып, музыка мектептерінде білім алып жүрген оқушылар арасында тәжірибе алмастыру. Байқауғы қатысушылар күйді екі түрі бойынша орындап жарысты. Әділқазылар алқасының өкілдері күйді орындау шеберлігі мен кәсібилігіне, ахна мәдениеті мен киім үлгісіне және добмырада ойнау техникасына мән берді.

Байқау қорытындысы бойынша, домбырада күмбірлете күй тартып, қобызды сарнатқан ерейментаулық Әлішер Бекбаев пен Гүлжанат Махметова үздік деп танылды.

Естеріңізге сала кетейік, Ж.Мұқанов- шебер, А.Майкөтов атындағы Целиноград педагогикалық училищесінің стазы, түрлі музыкалық байқаулар мен халықаралық фестивальдардың жеңімпазы.

Барлық жаңалықтар