ЕАЭО аясында «0-5-12» үлгісі бойынша кеден ставкаларын қысқарту жоспарланып отыр – депутат

9 Маусым, 2015 14:03

ҚР Үкіметінің 2015 жылға арналған бірінші кезектегі іс-шаралар жоспары бойынша, «0-5-12» үлгісі бойынша кеден ставкаларын қысқарту жоспарланып отыр, деді Мәжіліс депутаты Меруерт Қазыбекова Орталық коммуникациялар қызметінде.

«Қазіргі таңда Бірыңғай кеден тарифтерінде (БКТ) кедендік ставкалардың 0 пайыздан 80 пайызға дейінгі түрлі ставкалары бектілген. Соның ішінде сыртқы экономикалық қызметтің бір деңгейдегі тауар топтарының 6, тіпті 9 белгілері бойынша да. Қазақстанның ДСҰ аясындағы міндеттемелеріне сәйкес, кедендік салымдардың деңгейі келісілген. Осыған байланысты Қазақстан ставкаларды бекіту барысында ол ставкалардың мөлшерін келісілген көлемнен көбейте алмайды. Мұндай міндеттемелер Ресейге қатысты да қолданылады. Сол себепті кеден ставкаларын бекітуде қателікке бой ұрындырмау үшін оны міндетті түрде өзге тараптармен келісу керек»,-деді М.Қазбекова.

Депутаттың пікірінше, ҚР Үкіметінің 2015 жылға арналған бірінші кезектегі іс-шараларының жоспары бойынша, «0-5-12» үлгісі бойынша кеден ставкаларын қысқарту жоспарланып отыр.

«Бұл дегеніңіз, барлық импорттық кедендік салымдардың ставкалары кедендік құннан 0, 5, 12 пайыз деңгейінде болады дегенді білдіреді. Бірыңғай кедендік тарифтерді қалыптастыру барысында кедендік кіріс ставкаларынның мөлшерін бекіту кезінде, мүше мемлекеттер бірінші кезекте өзінде бар тауарлардың көлеміне қарайды»,-деді М.Қазбекова.

Ботагөз Айтжанова

Барлық жаңалықтар