Ұлт жоспары: ЕАЭО аясында тариф саясатын оңтайландыру бойынша тиісті жұмыстар жүргізілсін

Әртараптандыруға арналған «Индустрияландыру мен экономикалық өсім» атты үшінші реформа аясында ҚР Президенті кедендік процедуралар, тариф саясаты, әлемдік тәжірибеде жоқ тарифтік емес кедергілерге назар аударды. Мемлекет басшысы ЕАЭО аясында тариф саясатын оңтайландыру бойынша, кең ауқымды жұмыстарды атқаруды тапсырды. Аталған құжатта бірнеше бөлім салық және кеден процедураларын оңтайландырып, кедендік процедуралар барысында «жалғыз терезе» қағидатын енгізу, салық және кеден жүйелерін ықпалдастыру, сондай-ақ «постфактум» кедендік тазалау режимін енгізу сияқты тағы бірқатар мәселелерге арналған»,-деді М.Қазбекова.   

Оның сөзінше, ЕАЭО аясында Одаққа мүше мемлекет өкілдері Одақ аясында бірыңғай сыртқы сауда және кеден саясатын жүргізуде. ЕАЭО-тың кеден аймағында бірыңғай тауар тізімдері қолданылуда.

«Кедендік кіріс салықтарының ставкаларын бекіту құзыры Еуразиялық экономикалық комиссияға берілгендігін ескере келгенде, бірыңғай тариф пен тауар тізіміне өзгерістер енгізу мәселелері Комиссияның кеңесімен немесе алқасымен, олардың құзырларына қарай бірге қаралады»,-деді М.Қазбекова.

«Бірыңғай терезе» ұғымы ретінде құжаттарды бірыңғай арна арқылы стандартталған түрде ұсынудағы мемлекеттік органдар арасындағы әрекеттестікті айтуға болады. 

Ботагөз Айтжанова