Қазақстан Үкіметіне Бейбітшілік пен келісім сарайында барлық діни нышандардың дисплейін жасау ұсынылды

«Мен екі ұсыныс енгізгім келіп тұр. Біріншіден, Қазақстан үкіметі Бейбітшілік пен келісім сарайында барлық діни нышандардың тұрақты дисплейін ұйымдастырса, сондай-ақ әрбір діннің әулие жазбаларын тұрақты көрсетіп тұрса, бұл бірліктің үлгісі болар еді»,-деген ұсыныс жасады үндістандық мейман.    

Оның сөзінше, діни бірлік бізді экономика мен саясат тықпалап отырған жаһандық ауылдан әлдеқайда күшті.    

«Біз – түрлі діндердің, ұлттардың, тілдердің өкілдері Астанада бір отбасындаймыз. Бұл тек белгіліп бір топ немесе бірліктің үлгісі ғана емес, бұл табиғаттың өзі үндестірген бірлік. Бұл теңдесі жоқ бірлік біздің барлығымызға тұрақты түрде енуі керек. Ең бастысы, біздің арқайсымыз өзімізге өзге діннің ең құрығанда бір уағызын немесе қиссасын білеміз бе деген сауал қоюымыз керек. Бүгін біздің бас қосумыз біздің еркіміз ғана емес, бұл Жоғары мәртебелі ҚР Президенті Нұрсұлтан Назарбаев бастамашы болған осыған дейінгі 4 съездің дәлелі»,-деді К.Ачария.     

Оның ойынша, діннің негізі бірлікте және дәстүрлі  дін өкілдері әрі қарай да қол ұстасып бірге жылжулары керек.   

Естеріңізге сала кетейік, Қазақстан елордасында Әлемдік және дәстүрлі діндер лидерлері съезі хатшылығының 14-ші мәжілісі өтуде және оған Ислам, Христиан, Иудаизм, Буддизм, Даосизм және Идуизм діндері мен халықаралық ұйымдардың сондай-ақ Қазақстанның рухани ұйымдарының өкілдері қатысуда.

Индира Кауметова