• Главная
  • Әлемдік діндер съезінде жастарға білім беру мен олардың дұрыс тәрбие алуы маңызды міндеттердің бірі болады
9 июня, 2015 11:19

Әлемдік діндер съезінде жастарға білім беру мен олардың дұрыс тәрбие алуы маңызды міндеттердің бірі болады

Әлемдік діндер лидерлерінің съезінде маңызды аспектілердің бірі жастардың дұрыс дамуы болады, деді БҰҰ-ның Өркениеттер альянсының Жоғары өкілі Кеңсе басшысы Тарик Әл-Ансари Әлемдік және дәстүрлі діндер лидерлері хатшылығының 14-ші мәжілісінде сөйлеген сөзінде.
Әлемдік діндер съезінде жастарға білім беру мен олардың дұрыс тәрбие алуы маңызды міндеттердің бірі болады

«Тағы бір өте маңызды мәселе  -жастар. Біз экстремистердің көлеңкелі істеріне жастар пайдаланылмаса екен және олар дұрыс әрі барлық қоғамға пайдасы тиетіндей болып дамыса дейміз»,-деді ол.  

Сонымен қатар елшінің сөзінше, жастарға білім беру мен оларды оқытудың тәсілдері де маңызды мәселе.    

«Біз сонымен қатар, білім беру саласында жақсы мүмкіндіктерде де көрсек деген ойдамыз, өйткені білім беру бұл тек жазу жазумен кітап оқу ғана емес, сонымен қатар онда жастарға өзгелермен бірге қалай бейбітшілікті өмір сүру керектігі де үйретілуі керек. Біз өзгелердің намысына тиетін сөздерді емес, еркін сөз бостандығын көргіміз келеді»,-деді Тарик Әл-Ансари.

Естеріңізге сала кетейік, Қазақстан елордасында Әлемдік және дәстүрлі діндер лидерлері съезі хатшылығының 14-ші мәжілісі өтуде және оған Ислам, Христиан, Иудаизм, Буддизм, Даосизм және Индуизм діндері мен халықаралық ұйымдардың сондай-ақ Қазақстанның рухани ұйымдарының өкілдері қатысуда.

Индира Кауметова